Friday, March 20, 2009

സുഖം നഖസ്പര്‍ശം

സഖീ
നിന്‍ നഖസ്പര്‍ശം
കവിത കൊറുംബോള്‍
സുഖം
കണ്തടങ്ങളില്‍
രക്തം പൊടിക്കുന്നു .

വൃണമെന്‍ ധമനിയില്‍
നിന്‍ ലവണ മാംസം
കരിഞ്ഞടരും കറ .
"________ദക്ഷിണ
ഛര്‍ദ്ദിക്കരുതു."
ദ്രവിത രസനയില്‍
നിന്‍ നഖ ശിക്ഷണം
രക്തം മണത്തെന്നെ
രുചിച്ചു തീര്‍ക്കുന്നു
ഞാന്‍ നിനക്കിന്നലെ
തന്ന രാഗത്തിലെന്‍
മരണഗീതം കുറിക്കുന്നു
ഞാന്‍ നിനക്കമൃതാകുന്നു .

കൊന്നും പരസ്പരം
ജീവന്‍ പകുത്തും
ഓര്‍മ്മകള്‍ നേടുന്ന
ജീവിതാവര്‍ത്തനം
നിന്‍ നഖം മാത്രം
ചലിക്കുന്ന സത്രം .

ജീവിതം
നഖ ലെന്‍സിനിന്നു
പരീക്ഷണ സാധനം .
കരഞ്ഞതെങ്ങിനെ ?
ഓര്‍ക്കുവാന്‍ മാത്രം
മയക്കമെങ്ങിനെ
പഠിക്കുവാന്‍ മാത്രം
സത്ര നേത്രത്തില്‍
വെള്ളെഴുത്താം നമ്മെ നാം
ചുരണ്ടിയെടുക്കണം .

ഭയക്കുന്നതെന്തിനു ?
നിന്‍ നഖ ദംശനം
സുഖമാണെനിക്ക്
രക്തം മണത്തെന്നെ
രുചിച്ചു തീരുംബോള്‍
സുഖമോ നിനക്കു ?

january 21.1995

2 comments:

  1. കൊന്നും പരസ്പരം
    ജീവന്‍ പകുത്തും
    ഓര്‍മ്മകള്‍ നേടുന്ന
    ജീവിതാവര്‍ത്തനം
    നിന്‍ നഖം മാത്രം
    ചലിക്കുന്ന സത്രം .
    സോഹൻ ലാലെ നന്നായിരിക്കുന്നു

    ReplyDelete